Base Naval: ¿capítulo nisqan wichqasqaña?

Kay qatun wasi presukuna nisyu hatalliq chay Base Naval del Callao kaqpi wichqakuy kamachikuymi chaynallataq Vladimiro Montesinosta chayman hinalla cárcel Piedras Gordas-Ancon II apayninmi muyurachin kay Fujimoripa política penitenciaria saqisqanta.

Kay wasi preso nisyu qatalliqpa wichqakuyninmi –maypin qatallinku Montesinosta chaymanta Sendero Luminoso chaynallataq MRTA nisqampa umalliqninkunata- qipanchasqa karqa unay watakunaña. Kay rimaymi kutiramun Montesinospa kasumpi mana allinkuna karuptin, munayllampaqmi kasqa teléfono haypaynin mana imallawan tukuy huras utaq mana pipa qawayninwan, chay ruwaykunam kunan qatipasqa kackan chaynallataq oficialkuna Montesinosta qawaqkunatapas urqurunku. Kunan ima apakusqanmanta waklawninman, chuyam kachkan wasi preso qatalliqqa militarpa makimpi kayninqa tukunanmi, huk kutitam chaynata mañakurqa Marina de Guerra nisqan, kay wasi preso qatalliq.

Kunan, Castillo umalliqpa kamachikuyninmi Instituto Nacional Penitenciario nisqanta churarun qatun ruwaypi chay wasi preso qatalliqkunam allin waqaychasqa kananku chay Base Navalpi preso kaqkunata chaskinankupaq chay régimen penitenciario nisqanman sentencianku nisqampi hina. Chaynapi, Montesinospa apayninpim punta sasachakuy kachkan, ichaqa yachasqa hina, Piedras Gordas cárcel kan régimen ordinario nisqanwan, manam nisyu waqaychasqachu. Kay kamachikuypa qipanman qatiqkunam, ichapas sinchita niykuchwan, gobiernupa makimpi punin ima apakuynimpas kanqa.

Chisitutallampi gabinete Bellido Congreso de la Repúblicaman rinan kachkaptin, chay willakuy wasi preso qatalliqkunata qawariyninmi qatarirachin chayman hinalla mana gobiernowan tupaqkunata. Congresupi, justiciapi huñuy llamkaymi qayarachin Justiciapi chaynallataq Derechos Humanos umalliqta, Anibal Torresta chay kamachikuymanta allinta willakunampaq, chaytam huk huñunasqa runakuna llumpay mana gobiernuwan tupaq munaqmi qawarirun kaynata “allin-terroristapaq llamkayninta hina”, kaywanriki kicharikurun kay SL chaynallataq MRTAnisqampa umalliqninkunata huklawman apanankupaq, Torrespa nisqanman hina, manaraqmi allichasqachu kachkan.

Noticias SERpi qawariniku gobiernupa kay kallpanchasqa kamachikuyninta chay wasi preso qatalliqta Base Naval ukumpi kaqta wichqayninmi tupan llaqtakuna allin akllanakuy kamachikuyta haypay munaqwan, kay poder civil nisqanmi qawarinan chaynallataq aparinan mana huk kaqkunata ruwaspa chay política penitenciaria nisqanta. Ichaqa, niniku kay Ministerio de Justicia y Derechos Humanos nisqan chaynalltaq Instituto Nacional Penitenciario nisqan allinta qawarinanku chay presukuna huk lawman apasqankum wanachikuyninta tukunanku chay sentencianku nisqampi hina, hinallataq nitaq Vladimiro Montesinos, nitaq Abimael Guzmán manam yapamantaqa peruanukunapa chaynallataq peruanakunapa kawsakuynintaqa manchachinmankuchu.

El Editorial de NoticiasSER es traducido por Enma Díaz