Kay suntur hurankuna yupasqallaña
Foto: Flickr Presidencia Congresista Héctor valerta akllarunku kay Consejo de Ministros nisqampa musuq umanchaqninta hina Pedro Castillopa kamachikuynimpi chaymi tukuy niraq rimaykunata qatarirachin, astawanqa mana munaykunata. Imarayku: runapa ñawpaqnimpi chaynallataq ayllun ukumpi kawsayninta pinqaparikunapaq hina aparisqanwan, kaymi rin politikapi wiksu niraqta puririsqanmanta tumpaykuna churasqakama warmi churinta hinallataq warminta maqasqan rayku, chayman hinalla 43 mil solesta dibikuchkan Sunat nisqanman.
Kay tukuy niraq rimaykunaqa manam Valerllamanchu qayparin. Sunturnimpa wakin ukumpi kaqkunamantapas rimaykunaqa kachkanñam chay cargukupaq akllasqa kasqankupi mana allin atiyniyuq kasqankumanta, fiscaliawan qatipasqa kasqankumanta utaq kay Estadupa ruwayninwan contrampi kasqanku rayku, chaynam kachkan kay Ministra de la Mujer nisqanwan, Katy Ugarte. Kaymanmi qatiykun mana allin qawasqa ministrukunapa takyaynin kay Juan Francisco Silva hina, ministro de Transportes y Comunicaciones nisqampi, pim chaypi tarikuchkan umalliq Castillupa masillan kasqan raykuyllachusmi.
Kaynakuna raykum punta iskaynin sunturkunapa ministrunkuna mana allin qawasqa karqaku. Chayman hina, kay gobierno qatalliqninkunapa kunan rakinakuyninqa llumpay qipañam, sunturmanta qawaman lluqsiruspanku, kunanñataq rimachkanku traicionmanta chayman hina maskachkanku chay oposición nisqanman qapipakuyta gobiernupa mana allin ruwayninkunata anri nichkaspanku. Hinallataq manañam allinñachu wakin huñunasqa parlamentupi llamkaqkunapa rimariyninku pikunam kunan nichkanku kay gabinete Valermanqa manam quqaskuchu iñiyniykuta, hina chaynallanmantaq wakin huñunasqa rimaqkunawan anri ninakuchkanku chaynallataq kuskalla makimanta richkanku chay gobiernupa mana allin ruwaykunapi tupaqwan chaywan Estadota qipachichkanku.
Kay rimaykuna yuparisqa rayku chaynallataq kay congresista Valer mana allin atiyniyuq kasqan rayku nitaq kawsakuynimpi nitaq política nisqampi kay Consejo de Ministros umanchanampaq, Noticias SERpi yuyaymananiku gobiernupa ukumpi puririyninqa manam allin chaskisqachu chaynallataq manan takyarinmanchu. Kay akllasqa kayninqa Pedro Castillupa makimpim, pim qawasqanchikman hina manam chay sapa kuti rimariynimpi qayasqan llaqtaqa waqaychachkanchu. Manam imatapas suyachuwanchu kay sunturmanta pim huran yupasqallawanña kachkan aswanqa kay umalliqpamanta chaynallataq clase política nisqanmantapas pikunam suyumanta qipanchasqa yachanchkanku.
El Editorial de Noticias SER es traducido por Enma Díaz Rojas.