Manam aslla tallikuyllachuqaya

Hatun quchapi suqta waranqa petróleo nisqan tallikusqan, Kay Refinería La Pampilla ruwayninkuna kawsampi empresa Repsol makimpi kaq, manam Limapi chaynallataq Callaopa patallampi yura pachakuna nitaq hina kaq uywakunallatachu ñakarirachin, ichaqa astawan qawarirachin empresapa chaynallataq Estadupa mana imayna kamachikuyniyuq kasqanta kayna pacha kawsaypa sasachakuykuna kaptin.

Repsol nisqan quchan kasqanta manam riqsikuyta munanchu, sasachakuy qallariynimpi tumpallata hina qawachikuyta munaspa chaymantaqa kaynata nispa kay tallikuyqa apakunmansi kasqa mana chay isla de Tonga yaku ukumpi kuyuykunamanta mana willakuy kaptin, kay Pacífico qatun qucha waklawnimpi kaqmantaraq. Marina de Guerra nisqampa mana allin ruwayninmanta achka rimakuy kanmanmi mana alin willakusqanmantapas chay hatun qucha ukumpi kuyusqanmanta imapas hatun quchapa patampi kananmanta, ichaqa chaywanqa manam amachakunmanchu: Repsol nisqan mana imata ruwaspan hinalla ruwayninkunawan karqa chay mana allin oleaje nisqan kachkaptin.

Chay apakusqanmanta, política nisqan kaylawninmanta waklawnimanta rimarisqankuta uyarirunchik. Wakinmi “sasachakuyta” uchuyyachispa, hinallataq utqayllaman allichakunqa nispanku, hukninkunañataq mañakuchkanku Estado peruano kay petrolera española nisqanwan contrato qilqasqanta tukuchinampaq. Hina yachasqañam kayna sasachakuykunamanta polticapi kaqkuna qapipakusqankuta, aswanqa qawarinanku kachkaptin Estadupa mana allin atiyniyuq kasqanta kayna kawsaypa sasachakuykuna kaptin allichanapaq, chaynallataq utqayman qawarina kay política de hidrocarburos nisqanta.

Estadupa mana imayna ruway atiyninqa hina yachasqañam. Kay qipa tukuq watakunapi mana wintay atiy willakuykunam karun sapa kuti petróleo tallisqa kasqanmanta kay Oleoducto Norperuano nisqanmanta, chay sasachakuykunamanta pueblos indígenas nisqankuna aslla qullqi sayachikuyta chaskirqaku. Kay política de hidrocarburos nisqan qawariynimpi, allinta chuyanchana manam chayqa yapamanta rimanakuyllachu nitaq contrato tukuchinallapaqchu, huk politikukuna mana allinta yuyaymanaspa chaynata qawarichkanku, ichaqa rimanakuy kanman imaynatataq munachkanchik chay matriz energética nisqanta qipa qamuq pachapaq, alinta yuyaymanaspa kay petroleupa mitanqa tukuchkanña kay tiksi muyupa qullqichaynimpi.

Noticias SERpi empresa Repsolta mañakuniku kay sasachakuy apakusqanmanta riqsikuchun chaynallataq qawarikuchun quchanta hinallataq chay mana allinkunata sayarichichun. Chayman hina, gobierno peruanumanta suyanicku kaq ruwaykunata qatarichichun allinta pichanankupaq chaynallataq chay sasachakuyta asllayaachinampaq hinallataq pin kaqta allin wanachiyta quchun. Chaynallataq utqayllaman rimanakunanchik suyunchikpi imaynataq kanqa kay política energética nisqan. Kunan tiksi muyupi petroleupaq aslla pachallañam kachkan.

El Editorial de Noticias SER es traducido por Enma Díaz.