Perú huk niraqtam suyachkan, wiraqucha umalliq

Pedro Castillo umalliqpa kamachikuynin qallarirun tukuy niraq sunqukunawan. Puntata, kachkan allin kusikuy 28 de julio punchawpi rimasqanwan kamachikuyta chaskisqampi, qatiykun pantaywan chaynallataq llakichikuywan congresista Guido Bellidupa akllayninwam kay Presidente del Consejo de Ministros umallinampaq hinallataq Pedro Frankita Ministro de Economía y Finanzas hinata ari nichiypi. Chaymanmi yapakuykun manchay pantachikuy sichu kay congreso qunqachus utaq manapas confianza nisqanta kay musuq sunturman, sichu umalliq huk kamachiqkunata maskanan kanqa (Bellidotawan kuska), hinallataq sichu maskayta qallarinqaku umalliqta urqunankupaq.

Kayna mancharikuykunawan, kay Asamblea Constituyente nisqan ruway munaymi gobiernupa mana allin qawaqkunata manchachiyninmi huk pataman tikrarun. Kaymi apakurun umalliqpa nisqanwan proyecto de ley nisqantas congresuman apachinqa chay ruwanampaq. Ichaqa astawan kayqa tikrarun Perú Libriman chaynallataq lliw gobiernuta atiypayta munasqanman. Chuyanchasqam chaynallataq mana pakakuyniyuq kachkan kay umalliq gobiernupa partidumpa secretariun imaynatapas kamachikuyman haypay munasqanta kay Vladimir Cerron -qatipasqa chaynallataq mana allin ruwasqanmanta wanachisqa-, ichaqa astawan niniku republicapa umalliqnimpim imapas kachkan. Paymi llaqtarunakunata willakunqa lliw ruwasqanmanta.

Ichaqa manam ancha llakikuychu kay partidu ninsqan eleccionta allin atipasqanqa chaynallataq ministeriokuna ukunkunapi wakin runa llamkay munaqchu hinallataq kay poder ejecutivo nisqampipas, hina chaynam akllanakuy kamachikuypiqa. Ancha llakikuyqa kachkan chay kamachikuykunapaq runakuna qayachiynimpim mana haypankuchu allin atipaykunata, astawan manchayqa kan unquy sasachakuypi chaynallataq qullqi sasachakuypi ukunpiraq kachkaptinchik, kay sasachakuykunaqa ancha allin ruwaykunatam maskan kamachikuyta chaynallataq gestión pública nisqanta allinta puririchinampaq. Chaymi rin profesionalta chaynallataq politikuta warmi qari allin ruwayniyuqkunata qayachisqanmanta puni, lliw ruwayninkunapi allin purisqanta qawarispa wakin rikuq utaq kikillankupi llamkayninkunapi, hinallataq akllanakuy kamachikuyta chaynallataq derechos humanos nisqanta waqaychaqta.

Noticias SERpi ancha llakikuywan qawachkaniku gobiernupa punta ruway munayninkunata umalliq Pedro Castillupa rimariyninwan, chaymi yuyaymanakiku ruwayninta allinta qawarinanta manaraq mana allinkunaman wichiykuchkaspan, premier Bellidumanta qallarispa. Chayman hina, mana munanikuchu chay umalliq urquq munaqkunata kay semanallaraq kamachikuy qallaykusqampi, utaq punta sunturta chay confianza mana quy munakunata, kay iskay ruwaykunam yanapanqa chay llumpay qipachiq político pacha wamankunatam, akllanakuy kamachikuyta mana chaninchaqkunata chaynallataq política nisqanta sapa kutita awqanakuyta hina qawaqkunata, mana rimanakuy kanan munaqta chaynallataq mana allin rimanakuy chayanapaq. Suyuqa suyachkan chaynallataq mañakuchkan sumaq ruwanaykitam, umalliq Castillo.

El editorial de Noticias SER ha sido traducido por Enma Díaz