¿Pichqa wata aswan hinan kaqlla?

Gobiernupa partidun, Perú Libre nisqan, musuq atipachikuynimpi, Congreso de la República nisqan kay semana akllarunku huñuy llamkaykunata aswan kay gobiernupa mana munaqninku aparinampaq, churarunku hatun kamachikuy llasasqampi (Constituciompi, Presupuestupi, Inteligenciapi, Relaciones Exteriorispi). Chayman kuska, rimana huñunakuykunam punta rakinakuyman chayarunku, chaynallataq manam imapas qawachikunraqchu kay ruwaykuna tukusqanta ninapaq.

Sichu Renovación Popular nisqan punta ñakariq kachkan kay huk partido tikraykunaman chayaynimpi, gobiernupa rimana huñunakuynimpas manam qipapichu tarikun chayna qatinampaq, sichu qawarichwan congresistankunapi chay mana allin tupaypi kasqankuta kay Valdimir Cerron qatiqkunawan chaynallataq umalliq Pedro Castillupa waqtallampi kaqkunawan, hukninmi rimarirunña “Partido Político Magisterial y Popular” nisqanta qillqachiy munasqanta, maskachkan, niykun, Perú librewan kuska gobernabilidad nisqanta allin kallpanchanampaq.

Kay congreso, yapamanta atiy kamachikuykuna rakinasqapi, aslla punchawkunallapiña chaskinan kanqa Guido Bellidupa suntur umallisqanta qunampaq utaq manapas chay kamachikuy apanampaq, hinallataq chaymantapas utaq kunanllampas qatipanqaku chay proyecto de ley del Ejecutivo nisqanta chay Asamblea Constituyente qayachikuyninwan. Sichu chayman yapaykuchwan kay Ley del Presupuesto General de la República 2022 rimanakuyta chayman hina apakunampaq, kay kimsa ruwaykunam qawarichinqa imaynatataqsi kay Kamachikuqkuna puririchiq- kamachikuykuna ruwaqkunawan apanakunqaku. Kay kimsa ruwaykunawanmi qawarisun qayna watakuna mana allin ruwaykuna chaskisqanku maykamas rinqa, chaynallataq imakunatataq chaykuna apamunqa.

Kayna patapi kamachikuy chaskisqampi umalliq Castillo munachikusqantam kay gobierno anchata chayachinan kay políticas nisqanman. Punta ruwaymi kachkan llaqta runakunapa sasachakuyninta qawariyninmi saludpi, yachachiypi chaynallataq llamkaypi, allin ruwayqa kachkan suyupa qullqin allin apariypim, allinta tupachispa chay ruwaykuna qaypanampaq. Gestión pública nisqanqa manam puririnmanchu munayllawanqa nitaq qunqaylla ruwaykunawanqa astawan mana chaykunaman qapipakustin Republicapa wakchayaynimpi sutimpiqa. Hinallataq kay constitución tikraypas chuyanchasqam kanan, “llaqtata” sutichayta qipapi saqispa, llaqtaqa munaykun umalliq Castillo suyu kamachikunantam kay pichqa wata qamuqkunapi.

¿Congreso de la República nisqan allin patapi kayta atinqachu utaq yapamantachu pantanqa mana gobierno allin qawayninwan chay mana llamkachiy saqiyninwan? ¿gobierno atiyniyuqchu kanqa llaqta runapa llakinta uqarinampaq icha wakin ministrukunapa munaynin hinallataq atipayninku qawantachu? ¿Kamachikuykuna puririchiq chaynallataq kamachikuykuna ruwaqkuna qispichiyta atinqakuchu unquy sasachakuyta, política nisqampi chaynallataq qullqi yasachakuypi aslla ruwaykunatapas? Noticias SERpi suyaniku chay gobierno mana allin qawaqkunawan chaynallataqq gobiernupi kaqkunawan allin rimariyman chayanankuta. Manchayqa, pinchqa watam yapa kasun mana allinkunapi chaynallataq sasachakuypi, qipa pichqa wata hina, peruanukunapaq chaynallataq peruanakunapaq mana allinkunata apamunqa

El editorial de Noticias SER ha sido traducido por Enma Díaz