Político nisqampipas mana allinmi kachkan

Kay Repsolpa petróleo tallisqanmi qinallaraq hatun quchanchikta qachachachkan chaynallataq mita param qallarirun sapa kuti hina sasachakuykuna apamuyta, politicapi tarikuqkuna hinallataq chaqwa ruwaqkuna “Mana kaqkunata” maskachkanku Umalliq Pedro Castillupa kay punchawkunapi rimasqanmanta.

Umalliqpa mana allin rimarisqanmanta ima chaqwakunatapas qatallichuwanmi, ichaqa chuyanchasqam kachkan kay kamachikuqpas chaynallataq congreso nisqampas, 2021 watapi hina kay watata qallarirunku hina chayna uyapuranakuyta. Kay Ejecutivo chaynallataq Legislativo nisqankuna ichaqa allinta tuparichakanku chay transporte, hatun yachay, pachapa sasachakuynin chaynallataq carrera pública nisqanta qipanchachiypi, kay ruwaykuna ukumpin qayna watakuna allinkunata puririchiraku chay ruwaykunam kunan llakipi tarikuchkan.

Kamachikuqpa allinnimpi kachkan kay vacunación kusa puririynin, ichaqa huk ruwayninkunam qipanchasqa kachkan chaynallataq kay mana imayna kamachikuy atiyninmi aswanyachkan sapa punchaw. Chaynam kachkan kay Interior nisqampi, maypin kamachikuq Guillén policiapa kamachikuqninwan hinallaraq uyapuranakuchkan, Transportes y Comunicaciones nisqampipas puririyraq qipachiyraq kachkan, licitaciones nisqampi chaynallataq llamkaqkuna qayachikuypipas hina chayna ruwana rikurirun, Agricultura nisqampiñataq kay Segunda Reforma Agraria nisqanta chaskiqkuna piñapakuchkanku manaraq imapas lluqsimuptin.

Aswan mana allinmi kachkan Energía y Minas chaynallataq Ambiente nisqampi, kay petróleo tallikuynimpi llakirikunapaq hina mana allintachu imatapas ruwara, puntamantapas manam allintachu puririchkara chay raykum chay conflictos sociales nisqampipas Consejo de Ministros umalliqnin rimanakuykunata aparirqa. Kay kamachikuqkuna akllasqachusmi kachkanku Gobiernupa partidumpa ukumpi kaqkunata ima llamkaymampas hayparinankupaq, kayna ruwaykunawan empresa Repsolpaq ñan kicharikurun chay mana allin ruwayninta mana allichanampaq.

Chayman hina, gobiernuwan mana tupaqkuna ministrukunata sapa kuti tapuyllata munaykanku chaynallataq kaytam waktam mana allintachu ruwachkanki niyllata yachachkanku huk ima ruwaytaqa atichkankuchu, chaynallataq hinallaraq musquchkanku umalliq urquyninwan. Suyupa sasachakuyninta qawarinankupaqa mana atiyniyuqmi kachkanku. Chay qawarinapaq kachkan kay petróleo tallikusqanmanta mana ima rimariyninku: ichaqa utqayllanman tweets nisqanta churanku Ejecutivo contrampi, ichaqa ima niytapas atinkuchu Repsol empresakunata hina pim qawarirachikun mana allin ruwayninta chaynallataq mana quchan riqsikuyninta.

¿Maykamataq llaqta ñakarinqa kay kamchikuqkunapa chaynallataq oposición nisqampa mana allin ruwayninkuta? Noticias SERpi yuyaymananiku kay clase política nisqan –lliwkuna- ninawanmi pukllachkanku chaynallataq manaraqmi allintachu qawarichkanku chay uyapuranakuyninku chaynallataq pakayllapi rimanakuyninku waklawninmanmi, llaqtapa suyapayakuyninqa qunqayllamantam piñapakuypi tukurunman.

El Editorial de Noticias SER es traducido por Enma Díaz.